20-30-cu illərin 10 sovet cizgi filmi
- 11.09.2013
- 0 Şərh
- 2476 Baxış
ШТАБ”saytının heyəti sizi avanqard tarixində yer almış sovet animasiyasının az tanınmış, lakin çox maraqlı tarixçəsi ilə tanış edir. Samat Mambetşayev və Coşik Murzaxmetov MKA versiyasına əsasən 20-30-cu illərin – vərdiş edilmi disneysayağı estetikadan fərqli estetika təqdim edən ən parlaq əsərləri toplayıblar.
Samat Mambetşayev, Coşik Murzaxmetov
Sovet ittifaqının artmaqda olan kommunist
düşərgəsi şüar və plakatlar vasitəsilə heyrətləndirici dərəcədə fəal təbliğat
aparırdı. Təkcə 20-30-cu illərdə vizual təbliğat ustaları tərəfindən 10 mindən
çox siyasi plakatlar hazırlanmışdı. Məqsəd – öz sıralarına yeni tərəfdaşlar
cəlb etmək və düşməni – qəddar istismarçı, şlyapalı burjua-kommunisti göstərmək
idi.
Eyni zamanda Lenin kinonu, kommunist
ideologiyanın təbliğatı üçün incəsənət növlərindən ən vacibi hesab edirdi. Hər
yerdə kinoteatrlar açılırdı ki, burada qısa metrajlı filmlər, şüar və plakatlar
kimi, izləyiciləri partiyaya üzv olmağa, kolxozlarda birləşməyə çağırır,
səhiyyə, təhsil, çörək və parlaq gələcək vəd edir, bu zaman həmin şlyapalı
burjua-kapitalisti amansız tənqid edirdi.
Sovet animasiya filminin pioneri –
rejissor-dokumentalist Dziqa Vertov – öz sənədli və publisistik işlərində
animasiyadan istifadə edirdi. 1924-cü ildə onun ilk animasiya filmi olan
"Советские игрушки” ("Sovet oyuncaqları” filminin ekrana çıxması ilə sadəcə
olaraq yeni janr, yeni incəsənət növü – klassik sovet animasiyası (1924-1934)
yaranmadı. Bu dövrdə "ВХУТЕМАС” (Высшие художественно-технические мастерские
-Ali Bədii-texniki emalatxanalar)
yeni məzunları, gənc rəssamlar Nikolay Xodatayev, Yuri Merkulov və Zenon
Komissarenko "Госкино” nəzdində eksperimental multiplikasiya emalatxanaları
təşkil etdilər ki, nəticədə buradan "Союзмультфильм” yarandı. Videosıranın hər
bir fazasının – kağız fiqur-marionetin hərəkət ardıcıllığı olduğu Sovet tətbiqi
animasiyasının texnikası animasiya filmlərinin istehsalını sürətləndirdi və
sovet qrafikası rəssamlarının yüksək ustalığını nümayiş etdirdi.
"Sovet Oyuncaqları”("Советские Игрушки”). Animasiya. "Госкино”.
1924-cü il
"Sovet Oyuncaqları” animasiya filmi
karikaturist, sovet siyasi satirası ustası Viktor Deninin siyasi şarjları
əsasında yaradılıb. Film SSRİ Yeni İqtisadi Siyasəti (YİS) illərində
spekulyantların, yisçilərin, yəni "qeyri-əmək elementlərinin”, özəl sektorun
sovet iqtisadiyyatından çıxarılması üçün necə dövlət vergisi ilə
öhdələndirildiklərini göstərir. Filmin sonunda "qeyri-əmək elementləri” yeni il
ağacının üstünə asılır.
"Lenin Kino-Həqiqəti” ("Ленинская
Кино-Правда”). Kinojurnal № 21. "Госкино”. 1925-ci il
Rejissor: D. Vertov
"Burjua düynasının
bədxahlığına cavabımız”
Dziqa Vertovun təsis etdiyi "Kinokalar” qrupundan olan Kino-Həqiqətin
21-ci buraxılışı bütövlüklə Leninin ölümünə həsr olunub. Proletariatın
rəhbərinin aktiv fəaliyyətinin sənədli video-xülasəsi "Lenin öldü, amma onun
işləri yaşayır” vizuallaşdırılmış şüarı ilə tamamlanır.
Animasiyanın 21 N-li buraxılışından fraqment:
21-ci buraxılış:
"Planetlərarası İnqilab” ("Межпланетная революция”). Cizgi filmi. "Гос.Тех.Кино. Межрабпом-Русь” bürosu. 1924-cü il
Ssenari və gerçəkləşdirmə: Z.P.Komissarenko,
Y.A.Merkulov, N.P.Xodatayev
"Planetlərarası inqilab. 1929-cu ildə
tamamilə inanılan hadisə”.
1920-co ildə SSRİ "Госкино” təbliğat şöbəsi işçilərinin eskizləri əsasında burjua-kapitalistlərin ilk obrazları işlənib-hazırlanır. "Planetlərarası inqilab” təbliğat cizgi filmində qırmızı ordu tərəfindən təqib edilən qaniçənlər-burjuaların hamısı öz əşyaları ilə Marsa uçurlar, lakin planetə çatdıqda kommunist partiyasının mars konqressinin şahidi olurlar.
Kooperativə qoşul. Təbliğatçı – kinoplakat. "Петросоюз” nəşri. Çəkiliş kontoru. 1924-cü il
Rejissor məlum deyil.
RKP-nın XIII qurultayının nəticələrinə əsasən SSRİ YİS-nin aparılması zamanı buraxılmış "Kooperasiya haqqında” kinoplakat.
"Kooperativin vəzifəsi, hər şeydən əvvəl, ticarətdən özəl kapitalın sıxışdırılıb çıxarılması və bununla da kəndli təsərrüfatı, sosialist sənayesi arasında möhkəm əlaqənin yaradılmasıdır…”
Çin alov içində ("Китай в огне”). Kino-rəsm. "ГосТехКино” bürosunda eksperimental emalatxana — Kino-Moskva. 1925-ci il
Bədii kollektivin: Z.Komissarenko,
N.Maksimov, Y.Merkulov, N.Xodatayevin əməyi.
İlk sovet yarım saatlıq animasiya filmi
"Çin alov içində” çin xalqının istismarını və gələcək inqilabını təsvir edir.
Film, ayrılıqda onun hər bir hissəsini yaratmış animatorlar (stilistika
fərqləri nəzərə çarpır) tərəfindən vahid əsər kimi montaj edilib. "Çin alov
içində” həmçinin beynəlxalq – Amerikanın, Böyük Britaniyanın, Yaponiya və Çinin
kapitalistləri obrazlarının ilkin stereotiplərini ehtiva edir. Qeyd etmək
lazımdır ki, bu obrazlar növbəti onilliklərdə yenidən yaradılaraq dayanıqlı
hala gəldilər. "Çin alov içində”, vəzifəsi sosializmin şərqdə təbliği və
beynəlmiləlçilik uğrunda təbliğatın ilk filmi hesab edilir.
"Sayıq olaq” ("Будем зорки”). Təbliğatçı – kinoplakat. "Межрабпом-Русь”. 1927-ci il
Rejissor: N. Xodatayev
"Burjuaziyanı silahla vururduq, indi isə rublla vuracağıq!”
"Samoyedli oğlan” ("Самоедский мальчик”). Cizgi filmi. "Совкино”. 1928-ci il
Ssenaristlər, rejissorlar və rəssamlar: N.Xodatayev, O.Xodatayeva, V.Brumberq, Z.Brumberq.
Rəssam-multiplikator: V.Semenov
Leninqrad işçi fakültəsinə daxil olan oğlan Çu sosializmdə yeni həyata hazırlaşır.
"Poçt” ("Почта”). Cizgi filmi. "Совкино”. 1929-cu il
Rejissor və rəssam: M.Sexanovskiy
Rəssam, rejissor M.Sexanovskinin ilk işi "Poçt” El Lissitskinin möhtəşəm konstruktivist qrafikasına əsasən çəkilib. Cizgi filmi məktubun sovet yazıçısı Boris Jitkova uzun səyahətindən danışır.
"Blek end Uayt” ("Блэк энд Уайт”). Multiplikasion pamflet. "Межрабпомфильм”. 1932-ci il
Rejissor: İ.İvanovo-Vano
Rəssam: A.Amalrik
Kapitalist ərazisində sovet izləyicisi üçün
– hollivud kinematoqrafının "brilliant” effekti və qaradərili əhalinin
pərdəarxası köləliyinin nəticəsi olaraq ABŞ xüsusilə "xoşagəlməz” idi. 1925-ci
ildə Vladimir Mayakovski Amerika üzrə səyahətə çıxır və ABŞ korporasiyalarının
şəkər və tütün istehsalına başladığı Kubada paroxodun ilkin dayanacağı ilə o,
öz müşahidələrini "Blek end uayt” poemasında təsvir edir. Sonralar 1933-cü ildə
Mayakovskinin öz eskizləri əsasında, poema animasiya filmi olaraq vizuallaşdırılmışdır.
"Kiçik orqan” ("Органчик”). Multiplikasion satia. "Союзфильм”. 1933-cü il
Rejissor: N. Xodatayev
Rəqs səhnəsi O.Xodatayevanın rəhbərliyi altında yerinə yetirilib.
Qrafik tərtibat: Q.Yeçeistov, N.Xodatayev, D.Çerkes
Saltıkov-Şedrinin motivləri əsasında iki hissəli multiplikasion satirada Qlupov şəhərinin yüksəksəsli naçalniki Perexvat Zalixvatskinin macəraları təsvir edilib.
solfront.org