Azər - Hardasan axı?!
- 18.03.2015
- 0 Şərh
- 1461 Baxış
Ruhum ağlayır!
Cismim isə kədərlidir.
Bir yer istəyirəm örtsün məni qaranlığıynan.
Bir yer istəyirəm ki, kar eləsin məni öz səssizliyiynən.
Özümə qapanıb hirsli-hirsli ağlayardım!
Sonra qəmli-qəmli, günahkarcasına,
Və ən son ümüdlə ağlayardım!
Amma...
Kaş vicdanım rahatlaşmayaydı.
Günahlarımın heç biri bağışlanmayaydı!
Çünki...
Hamıdan pis mənəm!
Pislik özü məncə mənəm!
Amma elə gəlir ki, məni aldadıblar!
Sənə yalançılardan şikayət edirəm.
Başımı itirmişəm doğruynan yalanın içində.
Səni tanıdığımı və sevdiyimi iddia edirəm içimdə.
Mənə iddia etməyi də öyrədiblər!
Budurmu mənə vərilən vədlər?
Gəl dedilər.. Gəldim.. Səni soruşdum?
Lap başdan başlayacıq dedilər.
VəSənnən yox, Sənə tərəfsaydılar.
Sənə tərəf qayıdan yolda mənə bir-iki
Rəvayət danışıb, yarıyolda qoydular.
Sənnən küsənləri də sevmirəm və
onlardan da qəlbim sınıb.
İndi başa düşürəm:
Bunu da mənə öyrətdilər.
Amma öncə onları sənnən küsdürdülər
sonra məni onlardan.
Beləcə bəlkə də bilməyərəkdən
amma hamımızın aramızı vurdular.
Məni də Sənnən küstürülənlərə və
Mən küsdüklərimə qat!
Sonra hamımızla barış.
Dildə inkar etsək də Səni..
Sənsiz nə bahar, nə yay, nə payız, ne qış
Nə bir yel əsər nə günəş saçar nə yağmaz qar nə də yağış.
Yadımdadır tənha idim, lap yetim kimi.
Səni tapanda tənhalıqdan qurtuldum.
Amma səni sevdiyini söyləyənləri
tanıyandan sonra,
Səni mənə sırıdıqlarının arasında itirdim.
Səni möcüzələrlə ucuzlaşdıranların,
Tərəvəzlərin gah içinə gah çölünə sığışdıranların ücbatından
qısqanıb uzaqlaşdım.
Səni təsbeh muncuqlarının sıralarında axtardım..
Səni xalçaların naxışında,
Alimlərin baxışında axtardım.
Tünd rəngli ətirlərin qoxusunda,
Yozulması çətin olan insanların
yuxusundaaxtardım.
Gözümü yumub bərk-bərk sıxıb
qaranlıqda axtardım.
Şərqnən-Qərbin,
milli gerbin ortasında axtardım.
Səni boyadılar fərqli rənglərə,
yaşıl oldun, qırmızı oldun,sonra qara.
Barmaqlarımı yüz dəfə qatladıb dedilər budur çarə.
Səniçevirdilər rəmzlərə,amuletlərə
bağladılar qoluma asdılar yaxama.
Müqəddəs avamlığımı zorladılar
Doladılar barmaqlarına.
Bilirdim bu deyil həqiqət
Axtaranda bəsirət.
Gümüş üzük, yarıbahalı daş, Səni
Açılıb sinəyə dəyən zərbələrdə axtardım.
Sənə, qadan alım deyənnən
Uca deyənin səmimiyyətində axtardım.
Yas aşınnan, torpaqda hezm olunan
Məni kimi birisinin qəbir daşında
Sənin adın çəkilərək kəsilən başın,
atamı müsəlmanlar öldürdü deyə ağlaya-ağlaya çarəsiz o yan bu yana qaçan
körpənin göz yaşında axtardım.
Külək əsir, qar yağırdı mənsə Səni axtarırdım
Yarpaqlar gözümün önündəcə budaqlardan tökülür...
Cavanlar qocalara, qocalarsa torpağa dönürdü
Sənin evlərin gah sökülür
Gah turistlər üçün muzeylərə dönür.
Sənə yazılan məktublara fərqli möhürlər vurulur.
Sən göndərdiyin Məktub yandırılır və Sənin əsdirdiyin küləkSənin sözlərini göylərə sovururdu.
Məzlumların göz yaşları buxarlanıb bəzi ölkələri sunami ile yuyur
Bəzilerini qup-quru qurudurdu.
Lənət dediyim boğaz ARTIQ
bu səbəbdən öldürülənlərin qanını öyüyürdü.
Səni söyənləri qiyamətlə qorxudan
bir alimi təhqir edənləri isə kafir elan edənlər.
Peyğəmbərini sevdiyini söyləyib
Öz ailəsi ilə rəftarında, onun sözlərinə xəyanət edenler.
Sözü duyub ağlamayanlarıSəsin avazı ilə ağladanlar
Düşünüb ağlamaqdansa
Ağlamaqda yarışanlar
Sənin təkliyində belə
başqalarının fikirlərinə təqlid edənlər.
Toy məclislərində qara bayraqlar asıb
dil deyib qonaqları ağladanlar
Valideyninin halallığı olmadan gördüyü işdə xeyir tapmayanlar.
Görüşdən qayıdıb özünü
Görüşən adlandıranlar.
Bir neçə ac doyuzdurub sonda imza atanlar
Həccə alver üçün gedib adının qabağına tacir əvəzinə hacı statusu artıranlar
Mənasız gəlir mənə bu düşmənçiliklər
Qollarını bağlayanlar, açanlar.
bığını qırxanlar və acığa uzadanlar.
Sənin yaratdıqlarını öldürənlər
Və özlərini başqalarına güldürənlər.
Özünə hədəfim nədir sualını verməyənlər
Və yanlış hədəfi təbliğ edənlər.
HARDASAN AXI ?!
Sən - Ac qalanda sevincimə səbəb olan, qapıma dəyən barmaqların tıqqıltısı
Anamın utanıb baxışlarını gizlətdiyi və bir gün mənnən balaca qardaşıma qarın dolusu yemək verəcəyinin pıçıltısı
Bir körpənin yastıq altında boğulan hıçqırtısı İllər sonra məndə yaratdı qəlb ağrısı.
Səni ağrılarda acılarda axtardım!
Bunların içində Səni gah tapır gah itirirdim
Özümü gah kəşf edir gah inkar edirdim.
Gah mübarizə aparır gah yorulub intihar edirdim. Gecələr yuxuya gedirdim.
Hər səhər dəyişir daha əvvəlki kimi ola bilmirdim.
Sənnən doğru vasitələr istəyirəm
Səni mənə təsvir etmək istəyənlərə
az qala nifrət edirəm.
Mən Sənə aid olan hər şeyi sevdikcə
sankiSənnən uzaqlaşır
Sənə tərəf gəlmək üçün bir yol istəyirəm.
•Mən bir yarpağam payız sonu
budaqdan qopmaq istəyirəm
Yerə enib üstümə yağacaq qarın
altında qalıb donmaq istəyirəm.
Quruyub ovxalanıb toz olmaq istəyirəm,
suya qarışıb buxarlanmaq,
buludların gözlerindən yağmaq istəyirəm.
İnsanların avamlığını yumaq istəyirəm.
Onların dilində Sənə təşəkkür olmaq istəyirəm.
Dodaqlarından qopub Sənə gəlmək istəyirəm.
Mən Sənə qarışıb Səndə yox olmaq istəyirəm.
Azər