Dünya incəsənətinin ən gözəl nümunələri Bakıya gəlir

Dünya incəsənətinin ən gözəl nümunələri Bakıya gəlir

Fransanın aparıcı muzey və sərgi salonlarında saxlanılan 200-dən çox eksponat Bakıya gətiriləcək.

Martın 10-dan mayın 6-na qədər Azərbaycan İncəsənət Muzeyində keçiriləcək sərgi şəhərin mədəni həyatının ən vacib hadisələrindən biri olacaq. Bu əlamətdar hadisə Heydər Əliyev Fondu və onun prezidenti Mehriban Əliyevanın səyi və təşəbbüsü sayəsində gerçəkləşir.

Əsərləri gətirilənlər sırasında Ejen Delakrua, Edqar Deqa, Anri Matiss, Oqüst Renuar, Fransua Buşe kimi dahi rəssamların adı var.

Sərgi günlərində fransalı mütəxəssislər bakılıları bu sənət nümunələri ilə də yaxından tanış edəcək.