Günel Abduraxmanova - Qatar
Poeziya
- 04.05.2015
- 0 Şərh
- 1157 Baxış
Gedən qatar gözlə məni.
Vaqonunda qoy yellənim.
nəğmə olsun səsin mənə,
baxım yoldan ötənlərə.
Ey gözəl yar,səslə məni,
qoy mən dalım xəyallara.
Yaz sən məni
kitablara,vərəqlərə,
sətir-sətir, qara-qara.
Əsən külək, savur məni,
yerdə, göydə hər nə varsa
hər bir şeyi al özünlə.
Götur məni ,qat onlara.
Apar məni uzaqlara
Doğan günəş, yandır məni
mən alışım alovunda.
Yanım, yanım
qoy kül olum.
Üşüməyim bu dünyanın
Boranında, çovğununda.
Ey əzrail, apar məni.
götür məni bu dünyadan.
Doğrulardan, yalanlardan,
qalanlardan, gədənlərdən ayır məni.
Basdır məni bu torpaga.
Əziz insan, ağla məni.
Bu dünyada əzablara,
xətalara, günahlara dayanmayan
bu qəlbimi ağla, insan!
İkiuzlu insanlara,
üzdə mələk olanlara,
qaralara və ağlara ağla, insan!
Taleyinə agla,insan!!!"
