Kamran Süleyman - Atatürkün ölümə yazdığı məktub
SƏNƏT
- 16.11.2015
- 0 Şərh
- 1308 Baxış
ATATÜRKÜN ÖLÜMƏ YAZDIĞI MƏKTUB
DONAN SAATLAR
Bir vağzalda itirdiyin qatar fiti,
üzünə yapışan qəzet parçası,
ayaqlarına dolanan külək
və sənə toxunan hər şey
hazırdı
səni gecikdirməyə...
Sən gedəcəkdinsə
bunların hamısı təbiətin nəyinə gərəkdi...
Mən payızı yaşama demirəm
payızı sev deyirəm...
İnsanı hislərin ensiklopediyası,
yağışı buludların sinfoniyası,
ölümü həyatın akustikası
bilməyini istəyirəm...
Kağız arasında ölən hörümçək,
öz torunda can vermək istəməzdi.
Qalibiyyət savaşmadan qazanılmır deyirlər
yalan sözdü
savaş hələ başlamadan itirmək deməkdi...
Mənə görə sevgi
torpağı insan kimi yox,
insanı torpaq kimi sevməkdi...
Və sən
birinci həyatımın üçüncü yoldaşı
səni sevmək o qədər qəlizdi ki,
həyatımda, Vətənimdə
bu qədər seviləcək qadın varkən...
Mənim qəlbimdəki "serrozla" sevirəm səni.
İndi
bizi İstanbul fəthindən,
Cümhuriyyət dövrünə qədər
bir zaman kəsiyi ayırır...
Bilirəm
ölüm - ömrün təhvil təslim vaxtıdı.
mənə görə ölüm
bütün donan saatları qucaqlayıb yatmaqdı...