Kamran Süleyman - SON DƏFƏ DARIXMAQ...
ƏDƏBİYYAT, Poeziya
- 16.04.2015
- 0 Şərh
- 1292 Baxış
Sənin bu şəhərdə olmağın belə
Mənə bu yerləri doğmalaşdırır.
Uzaqdan baxıram o köhnə evə
O da sənin kimi uzaqdan baxır.
Səni tanıdığım yaşdayam hələ
Sevgin qocaltmadan öldürür məni.
Ən arzuolunmaz keçidlərində
Ömür ayaqüstə sürüyür məni...
Qara lövhələrdə sənsiz cümlələr
Gözlərim gecəylə yıxılıb yatır.
Yataqda əriyir buz sevişmələr
Səhərə SON DƏFƏ DARIXMAQ qalır
Eyni ədasıyla oyanır səhər
Gecə dodağından öpüb ayrılır.
Səni əvəz edir ağ siqaretlər
Dodaqda dumanlı musiqi qalır.
