"Qanun"da yeni kitablar nəşr olunub
YENİ KİTABLAR
- 04.03.2015
- 0 Şərh
- 1185 Baxış
"Qanun"da yeni kitablar nəşr olunub.
Ədəbiyyat.Biz oxuculara təqdim oluanan yeni kitablar haqqında qısa məlumatları təqdim edir (Kitabları alokitab.az saytından sifariş edə bilərsiniz):
CEYMS OLDRİC - DİPLOMAT
Bakı, Qanun Nəşriyyatı, 2015, 860 səhifə.
Tərcümə edən: Cəlal Nuhov
Tərəqqipərvər ingilis yazıçısı Ceyms Oldric nəinki gözəl bədii əsərlərin müəllifi, həm də sülhün və xalqlar təhlükəsizliyinin fəal mübarizi kimi şöhrət qazanıb.
Oldric İkinci Dünya müharibəsi zamanı bir sıra ingilis və Amerika qəzetlərinin hərbi müxbiri sifəti ilə dünyanın bir çox ölkəsini gəzmiş, Norveçdə, Yunanıstanda, Yaxın Şərqdə, İraqda və Sovet İttifaqında yaşayıb.
Ceyms Oldricin "Diplomat” romanında 1940-cı illər İranında, o cümlədən Cənubi Azərbaycanda demokratik hərəkat zamanı böyük güclər arasındakı mənafe toqquşmaları təsvir edilib. İngilis yazıçısı Oldricin özü də peşəkar diplomat olub və əsərdəki baş qəhrəman Mak-Qreqor müəyyən mənada müəllifin özüdür.
Bu əsərə görə yazıçı 1953-cü ildə Ümumdünya Sülh Şurası tərəfindən qızıl medalla təltif edilib.
Leonid Qrossman - DOSTOYEVSKİ
Bakı, Qanun Nəşriyyatı, 2014, 784 səhifə.
Tərcümə edən: Hüseyn Şərif
Leonid Qrossmanın "Dostoyevski” kitabında rus klassik ədəbiyyatının dühası Fyodor Dostoyevskinin dramatik həyatı əks olunub.
Bu yazıçının dünya ədəbiyyatında müstəsna yeri var və şübhəsiz o, abidə şəxsiyyətlərdən biri sayılmağa tam haqq qazanıb.
Dostoyevskinin mürəkkəb şəxsi səciyyəsi daxili ziddiyyətləri ilə birgə haçalanır. Ona mühafizəkar, xristian təəssübkeşi, monarxist damğaları vuran tənqidçilər, bununla belə, dərin fəlsəfi baxışlarını, mərhəmət və xeyirxahlığa çağırışlarını hər zaman yüksək qiymətləndiriblər. Yazıçı bu əqidədə idi ki, bəşər tarixində Rusiyanın öz missiyası var və o, gələcəkdə bir çox xalqların taleyini həll etmək hüququna malikdir. Ömrünün sonlarında isə o, qeyd edirdi ki, "düşüncə və nur hökmranlığı Rusiyamızda, dünyanın istənilən guşəsi ilə müqayisədə, daha tez yarana bilər”.
Yazıçının ədəbi yaradıcılığı da mürəkkəb dövrlərə malikdir. Lakin realist təsvirləri və cana yaxın obrazları ilə bu gün də o, minlərlə oxucunun qəlbini fəth etmək qabiliyyətindədir. Maksim Qorkinin sözləri ilə desək, "Dostoyevskinin dahiliyi şəksizdir və təsvir gücünə görə bəlkə də yalnız Şekspirin istedadı onun istedadına bərabərdir”.
Erika Leonard Ceyms - AZADLIĞIN ƏLLİ ÇALARI
Bakı, Qanun Nəşriyyatı, 2015, 752 səhifə.
Tərcümə edən: Cahan Əliyeva
«Azadlığın əlli çaları» – E.L. Ceymsin bestseller olmuş məşhur trilogiyisanın son romanıdır. Son hissədə Anasteyşa öz sevgilisini daha yaxından tanıyacaq. Kristian isə öz qısqanclığını ram etməyə çalışır. Onlar bir yerdə Monakoya, səyahətə çıxırlar. Monte-Karlo çimərliyində Kristian Anasteyşaya evlənmə təklif edir və o...
Oxucuları intim məqamlar və hissiyyatlı etiraflarla fəth eləmiş əsər necə nəticələnəcək? Anasteyşa və Kristian Qrey öz eşqlərini qoruya biləcəkmi?
Orxan Kamal - QÜRBƏT QUŞLARI
Bakı, Qanun Nəşriyyatı, 2015, 472 səhifə.
Türkcədən tərcümə: Nizami Zöhrabi
Bir qarın çörək üçün İstanbula üz tutmuş anadolular – alın tərləri və əllərinin zəhməti ilə özlərinə yuva qurmağa çalışan sadə və təmiz qəlbli insanlar, ayaqlarını bu insanların kürəyinə dirəyərək duruş gətirməyə çalışan sistem İstanbul qədər yaşayışın, həyatın da rəngini dəyişməkdədir. Bu dəyişikliyin tam ortasındakı insanlar Orxan Kamalın usta qələmi və hər zaman insana sevgi dolu sənəti ilə oxuculara çatdırılır. Türkiyənin yaxın keçmişinə və onu təqib edən bu gününə gerçək bir gözlə baxa bilmək üçün "Qürbət quşları” romanını mütləq oxumaq lazımdır. 1950-60-cı illərdəki köçlər və tikinti-inşaat işləri ilə siması sürətlə dəyişməkdə olan İstanbul "Qürbət quşları” romanında tam gerçəkliyi ilə əks olunub.
Nazim Hikmətin təsiri ilə nəsr yaradıcılığına başlayan Orxan Kamal ilk hekayələrini Bacaqsız Orhan təxəllüsü ilə yazıb, ilk dəfə 1943-cü ildə "İkdam” qəzetində dərc olunan "Asma çubuğu” hekayəsində Orxan Kamal (Orhan Kemal) təxəllüsünü işlədib. 1958-ci ildə "Qardaş payı” ("Kardeş payı”) hekayəsinə görə "Sait Faik Hikaye Armağanı” mükafatını alıb. 1967-ci ildə Ankara Sənətsevərlər Dərnəyi tərəfindən ən yaxşı dramaturq seçilib. 1969-cu ildə "Öncə çörək” ("Önce ekmek”) hekayəsinə görə "Türk Dil Kurumu Ödülü” və "Sait Faik Hikaye Armağanı” mükafatlarına layiq görülüb.
JOHN LE CARRE - SONUNCU XƏFİYYƏ
Bakı, Qanun Nəşriyyatı, 2015, 736 səh.
İngiliscədən tərcümə: Ziyad Quluzadə
Romanın qəhrəmanı, Rikin oğlu, Tomun atası, İngiltərə Təhlükəsizlik xidmətinin uğurlu məmuru Maqnus Piyem kimdir? Onun təhsilinə kimlər xüsusi nəzarət edirdi? O, kimin adamıdır? Maqnusun qəfildən yoxa çıxmağı təkcə onun dostlarını və həyat yoldaşını nigarançılığa salmamışdı, düşmənləri də xeyli narahat idi. Dövlət sirri təhlükə altındadır. Piyem haqqında həqiqətlər tədricən ortaya çıxır. Oxucu roman boyu məşəqqətli mübarizənin nəticəsində Maqnus Piyemin mükəmməl bir xəfiyyəyə necə çevrildiyinin şahidi olur.
John Le Carre romanları klassik xəfiyyə janrının ən dəyərli nümunələrindən biridir. Onun məharətlə yazılmış romanları dünyada böyük oxucu kütləsi qazanmasına səbəb olmuşdur. John le Carreyə ən böyük uğur gətirən əsər "Sonuncu Xəfiyyə” romanıdır.
Курбан Саид - Девушка из Золотого Рога
Баку, Издательство Ганун, 2015, 312 стр., 1000 тираж
Роман Курбан Саида «Девушка из Золотого Рога» – трогательная история эмигрантской жизни турчанки Азиадэ и принца Абдул Керима.
После долгих и безуспешных попыток вписаться в чуждый для них западный мир, не найдя в европейской цивилизации духовно-нравственных ценностей, могущих дать им душевный покой, они обращаются к другим истокам – религиозным. ...Разрушена старая жизнь, уничтожены привычные нормы, незыблемыми остались лишь религиозные устои.
Justin Marozzi - DÜNYA FATEHİ TEYMUR
Bakı, Qanun Nəşriyyatı, 2015, 488 səh.,
Rus dilindən tərcümə: Zakir Abbas
Teymur – Dəmir Teymur, müasirləri onu belə adlandırırdılar.
Dünyanı fəth edən böyük fatehlərin sonuncusu.
Orta əsrlərin əfsanəvi sərkərdəsi, rəvayətə görə, doğulanda ovcunda qurumuş qan olub.
Nəhəng imperiyanın yaradıcısı.
Məğlubedilməz sərkərdə və hərbi strategiyanın nadir bilicisi.
O, qəddar və amansız idi, lakin məhz onun hökmranlığı dövründə Mərkəzi Asiyada elm və incəsənət çiçəklənməyə başlandı.
Teymur necə adam idi? – Birmənalı qəbul edilməyən, mürəkkəb təbiətli, adı əbədi olaraq tarixdə qalacaq Böyük Şəxsiyyət.
Bu suala alim və jurnalist Justin Marozzi öz kitabında cavab verməyə çalışacaq.
Ədəbiyyat.Biz
Ədəbiyyat.Biz oxuculara təqdim oluanan yeni kitablar haqqında qısa məlumatları təqdim edir (Kitabları alokitab.az saytından sifariş edə bilərsiniz):
CEYMS OLDRİC - DİPLOMAT
Bakı, Qanun Nəşriyyatı, 2015, 860 səhifə.
Tərcümə edən: Cəlal Nuhov
Tərəqqipərvər ingilis yazıçısı Ceyms Oldric nəinki gözəl bədii əsərlərin müəllifi, həm də sülhün və xalqlar təhlükəsizliyinin fəal mübarizi kimi şöhrət qazanıb.
Oldric İkinci Dünya müharibəsi zamanı bir sıra ingilis və Amerika qəzetlərinin hərbi müxbiri sifəti ilə dünyanın bir çox ölkəsini gəzmiş, Norveçdə, Yunanıstanda, Yaxın Şərqdə, İraqda və Sovet İttifaqında yaşayıb.
Ceyms Oldricin "Diplomat” romanında 1940-cı illər İranında, o cümlədən Cənubi Azərbaycanda demokratik hərəkat zamanı böyük güclər arasındakı mənafe toqquşmaları təsvir edilib. İngilis yazıçısı Oldricin özü də peşəkar diplomat olub və əsərdəki baş qəhrəman Mak-Qreqor müəyyən mənada müəllifin özüdür.
Bu əsərə görə yazıçı 1953-cü ildə Ümumdünya Sülh Şurası tərəfindən qızıl medalla təltif edilib.
Leonid Qrossman - DOSTOYEVSKİ
Bakı, Qanun Nəşriyyatı, 2014, 784 səhifə.
Tərcümə edən: Hüseyn Şərif
Leonid Qrossmanın "Dostoyevski” kitabında rus klassik ədəbiyyatının dühası Fyodor Dostoyevskinin dramatik həyatı əks olunub.
Bu yazıçının dünya ədəbiyyatında müstəsna yeri var və şübhəsiz o, abidə şəxsiyyətlərdən biri sayılmağa tam haqq qazanıb.
Dostoyevskinin mürəkkəb şəxsi səciyyəsi daxili ziddiyyətləri ilə birgə haçalanır. Ona mühafizəkar, xristian təəssübkeşi, monarxist damğaları vuran tənqidçilər, bununla belə, dərin fəlsəfi baxışlarını, mərhəmət və xeyirxahlığa çağırışlarını hər zaman yüksək qiymətləndiriblər. Yazıçı bu əqidədə idi ki, bəşər tarixində Rusiyanın öz missiyası var və o, gələcəkdə bir çox xalqların taleyini həll etmək hüququna malikdir. Ömrünün sonlarında isə o, qeyd edirdi ki, "düşüncə və nur hökmranlığı Rusiyamızda, dünyanın istənilən guşəsi ilə müqayisədə, daha tez yarana bilər”.
Yazıçının ədəbi yaradıcılığı da mürəkkəb dövrlərə malikdir. Lakin realist təsvirləri və cana yaxın obrazları ilə bu gün də o, minlərlə oxucunun qəlbini fəth etmək qabiliyyətindədir. Maksim Qorkinin sözləri ilə desək, "Dostoyevskinin dahiliyi şəksizdir və təsvir gücünə görə bəlkə də yalnız Şekspirin istedadı onun istedadına bərabərdir”.
Erika Leonard Ceyms - AZADLIĞIN ƏLLİ ÇALARI
Bakı, Qanun Nəşriyyatı, 2015, 752 səhifə.
Tərcümə edən: Cahan Əliyeva
«Azadlığın əlli çaları» – E.L. Ceymsin bestseller olmuş məşhur trilogiyisanın son romanıdır. Son hissədə Anasteyşa öz sevgilisini daha yaxından tanıyacaq. Kristian isə öz qısqanclığını ram etməyə çalışır. Onlar bir yerdə Monakoya, səyahətə çıxırlar. Monte-Karlo çimərliyində Kristian Anasteyşaya evlənmə təklif edir və o...
Oxucuları intim məqamlar və hissiyyatlı etiraflarla fəth eləmiş əsər necə nəticələnəcək? Anasteyşa və Kristian Qrey öz eşqlərini qoruya biləcəkmi?
Orxan Kamal - QÜRBƏT QUŞLARI
Bakı, Qanun Nəşriyyatı, 2015, 472 səhifə.
Türkcədən tərcümə: Nizami Zöhrabi
Bir qarın çörək üçün İstanbula üz tutmuş anadolular – alın tərləri və əllərinin zəhməti ilə özlərinə yuva qurmağa çalışan sadə və təmiz qəlbli insanlar, ayaqlarını bu insanların kürəyinə dirəyərək duruş gətirməyə çalışan sistem İstanbul qədər yaşayışın, həyatın da rəngini dəyişməkdədir. Bu dəyişikliyin tam ortasındakı insanlar Orxan Kamalın usta qələmi və hər zaman insana sevgi dolu sənəti ilə oxuculara çatdırılır. Türkiyənin yaxın keçmişinə və onu təqib edən bu gününə gerçək bir gözlə baxa bilmək üçün "Qürbət quşları” romanını mütləq oxumaq lazımdır. 1950-60-cı illərdəki köçlər və tikinti-inşaat işləri ilə siması sürətlə dəyişməkdə olan İstanbul "Qürbət quşları” romanında tam gerçəkliyi ilə əks olunub.
Nazim Hikmətin təsiri ilə nəsr yaradıcılığına başlayan Orxan Kamal ilk hekayələrini Bacaqsız Orhan təxəllüsü ilə yazıb, ilk dəfə 1943-cü ildə "İkdam” qəzetində dərc olunan "Asma çubuğu” hekayəsində Orxan Kamal (Orhan Kemal) təxəllüsünü işlədib. 1958-ci ildə "Qardaş payı” ("Kardeş payı”) hekayəsinə görə "Sait Faik Hikaye Armağanı” mükafatını alıb. 1967-ci ildə Ankara Sənətsevərlər Dərnəyi tərəfindən ən yaxşı dramaturq seçilib. 1969-cu ildə "Öncə çörək” ("Önce ekmek”) hekayəsinə görə "Türk Dil Kurumu Ödülü” və "Sait Faik Hikaye Armağanı” mükafatlarına layiq görülüb.
JOHN LE CARRE - SONUNCU XƏFİYYƏ
Bakı, Qanun Nəşriyyatı, 2015, 736 səh.
İngiliscədən tərcümə: Ziyad Quluzadə
Romanın qəhrəmanı, Rikin oğlu, Tomun atası, İngiltərə Təhlükəsizlik xidmətinin uğurlu məmuru Maqnus Piyem kimdir? Onun təhsilinə kimlər xüsusi nəzarət edirdi? O, kimin adamıdır? Maqnusun qəfildən yoxa çıxmağı təkcə onun dostlarını və həyat yoldaşını nigarançılığa salmamışdı, düşmənləri də xeyli narahat idi. Dövlət sirri təhlükə altındadır. Piyem haqqında həqiqətlər tədricən ortaya çıxır. Oxucu roman boyu məşəqqətli mübarizənin nəticəsində Maqnus Piyemin mükəmməl bir xəfiyyəyə necə çevrildiyinin şahidi olur.
John Le Carre romanları klassik xəfiyyə janrının ən dəyərli nümunələrindən biridir. Onun məharətlə yazılmış romanları dünyada böyük oxucu kütləsi qazanmasına səbəb olmuşdur. John le Carreyə ən böyük uğur gətirən əsər "Sonuncu Xəfiyyə” romanıdır.
Курбан Саид - Девушка из Золотого Рога
Баку, Издательство Ганун, 2015, 312 стр., 1000 тираж
Роман Курбан Саида «Девушка из Золотого Рога» – трогательная история эмигрантской жизни турчанки Азиадэ и принца Абдул Керима.
После долгих и безуспешных попыток вписаться в чуждый для них западный мир, не найдя в европейской цивилизации духовно-нравственных ценностей, могущих дать им душевный покой, они обращаются к другим истокам – религиозным. ...Разрушена старая жизнь, уничтожены привычные нормы, незыблемыми остались лишь религиозные устои.
Justin Marozzi - DÜNYA FATEHİ TEYMUR
Bakı, Qanun Nəşriyyatı, 2015, 488 səh.,
Rus dilindən tərcümə: Zakir Abbas
Teymur – Dəmir Teymur, müasirləri onu belə adlandırırdılar.
Dünyanı fəth edən böyük fatehlərin sonuncusu.
Orta əsrlərin əfsanəvi sərkərdəsi, rəvayətə görə, doğulanda ovcunda qurumuş qan olub.
Nəhəng imperiyanın yaradıcısı.
Məğlubedilməz sərkərdə və hərbi strategiyanın nadir bilicisi.
O, qəddar və amansız idi, lakin məhz onun hökmranlığı dövründə Mərkəzi Asiyada elm və incəsənət çiçəklənməyə başlandı.
Teymur necə adam idi? – Birmənalı qəbul edilməyən, mürəkkəb təbiətli, adı əbədi olaraq tarixdə qalacaq Böyük Şəxsiyyət.
Bu suala alim və jurnalist Justin Marozzi öz kitabında cavab verməyə çalışacaq.
Ədəbiyyat.Biz
