(çox sevdiyim bir filmə)

Qaranlığın qəlbinə yerləşir

bütün şübhələr.

Ayaq altına atılır

kədərli şəkillərdə rəngli gülüşlər...

Acı eşqin ardından

acı qəhvə izləri.

Ləkəli fincan boyu sürünür əllər...

Dodaqlara qovulmuş öpüşlərlə

qucaqlaşır...

ayrılır...

itkin kölgələr.

Xəyanətə çevrilir

ən məsum qadın qoxusu belə

Evinə gətirərkən

bir kişi köynəyində...

Böyük hərflərlə "SON" yazılır

Həyatın kiçikliyinə...