Ramiq Əsgərli - "Sevgilisindən nənəmə məktub"
- 22.11.2015
- 0 Şərh
- 1905 Baxış
Tər-Tər rayonu, Kolanı kəndi, gecənin zülməti olan bir vaxt. Şiddətli külək, həyətdəki qapalağı taqqılıltı ilə çırpırdı. Küləyin
uğultusunun beyin hüceyrələrinə olan sirayətindən, düşünərdin ki, insan
çığırtıları ətrafa cövlan etmişdir. Sanki hava, bu gecə kərpiçdən hörülmüş evin
daxilində nə baş verəcəyini duymuşdur. Çırağın dalğalanan şəfəqi, otağa xəfif tərzdə yayılırdı. Bir neçə
günü idi ki, yerdə, yönü qibləyə tərəf
uzatılmış, ölüm dayanacağında "ölüm mələyi”ni gözləyən səksənyaşlı bir
vücud, gözlərini bərəldərək olub-keçənləri düşünürdü elə bil. Vaxtı ilə bu
vücud: aynaya baxıb gözəliyindən zövq alar, bəzənərək nazlanar, təravətli harmar
dərisini sığallayaraq tumarlanaR, saçlarının şöləsi gözləri qamaşdırar, çöhrəsinə
qadınların paxılığı tutar və kişiləri
ehtiraslı cazibə qüvvəsi ilə özünə tərəf
ahənrüba edərdi. İndi isə həmin vücudun dərisi sallanaraq qırışmış, saçları
tökülmüş və hətta elə bil simaya gəlmiş ki, insanlar onun can verməsinə o qədər
də heyifslənmirdilər. Səkkizyaşlı uşaq, yəni mən: ondan bir az aralıda
uzanıb, yorğanı başıma çəkərək, küləyin pıçıltısına qulaq asırdım. Anam, bibim və
əmimin həyat yoldaşı vəsf etdiyim vücudun sahibi olan nənəmin keşiyini
çəkib, söhbət edirdilər. Bir neçə dəqiqədən sonra otağa sükut çökdü: keşikçilər
gözlərinin acılarına tab gətirməyərək, yatmaq qərarına gəldilər. Lakin, mən hələ
də yatmamışdım. Çırağın tavana saçdığı dairəyə baxıb, dalğın düşüncəyə dalırdım. Elə
bu zaman nənəmin iniltisini eşitdim; o, asta-asta zarımağa başladı. Gözləri mənə
dikilmişdi nədənsə. Mənə:"bura gəl” deyirdi elə bil. Bir az hürkdüm, lakin mənə
necə müamilə etdiyini yadıma salıb
toxtdadım. Yerimdən durub nənəmə tərəf gəldim. Danışa bilməyən
nənəm,asta-asta titrək əllərini sinəsinə
doğru apardı.Sinəsindən parçaya bükülmüş bağlamanı çıxartıb, mənə tərəf
uzatdı. Əsə-əsə bağlamanı alıb, ovcumda
sıxdım. Qadının dərindən necə köks ötürdüyünü də müşahidə etdim. Nənəmdən uzaqlaşıb,yerimə
tərəf iməklədim.
Səhər açıldı. Bibimin fəryadından yuxudaikən səksəndim(Öləcəyini bildiyin halda
niyə şivən qopararmalıdır ki,qadın tayfası?). Molla Xanəli nənəmin başının
üstündə quranı ağsaq və kobud tərzdə qiraət edirdi. Daha sonra, nənəmi
basdırmağa apardılar. Nənəmin əsəbləşəndə: "vələdizina,sən hardan saxladım?”
dediyi əmim Taleh, əvvəlcədən bir neçə şəxs ilə gəlib, qəbri qazmışdılar. Kəfənə
bükülmüş nənəmi qəbrə qoyub basdıranda, onun mənə etdiyi əzizləmələri
xatırlayıb, qəhər kəndirində boğulurdum. Hər zaman mənə dediyi:” Ay mənim, şəkər
nəvəm” xitabına çox darıxacam. Bununla belə məni maraqlandıran; nənəmin mənə
verdiyi bağlama idi. İntizarla fürsət tapıb, oxumağı düşünürdüm. Molla Xanəli
mağardakılara lətifə danışdığı vaxt, mən preslənmiş və üstü çadıra ilə örtülmüş
ot tayasına yaxınlaşdım. Bir neçə preslənmiş otun çıxarıldığı yerə tərəf
gəlib, çadıranın altına girdim. Günəşin şəfəqləri çadıranın altın, əlvan rəngə
boyayırdı. Bağlamaya bərk-bərk düyn vurulduğundan parçanı cırdım. Sən demə
parçaya zərf bükülmüşdü. Parçanı cıranda o, iki presin arasına düşdü. Əlimi bir
təhər salıb onu götürəndə, presin çöpləri biləyimdən dirsəyimə qədər, qollarımı
cızdı. Çərpazvari bağlanmışdı, həyəcanla içində nə olduğunu düşündüyüm
zərf(təxmin etmişdim ki,məktub var). Zərfin kağızın cırdım;yapışqanı qopmadı,
bir-birinə möhkəm pərçinlənmişdi. İçindən məktub çıxdı. Qəribədir; məktub skoçlanmışdı. Skoçu
nagahanı baxışlarla cırıb, məktubu oxumağa başladım:
”Kainatımın günəşi, Sevgi zəbərcədimin düyməsi Solmaza hörmətlə”. Bir az
duruxdum; nənəmə bu məktubu kim yazıb? Babammı? Əgər babamsa niyə atama: ”Məni
mərhəm yeri kəsilmiş, zinakar əclafın yanında basdırmayın” vəsiyyətin etdi, nənəm?
Məktubu oxumağa davam etdim :
”Gözəlim,sən mənim ilahəm oldun,mən isə sənin abid qulun.Köksümdə ürəyim,hələ də sənin üçün çırpınır,gözlərim
simana tamaşa etmədiyi üçün yaşlanır, dodaqlarım ağızının şirəsin dadmadığı üçün
quruyur, qoxunu içimə çəkmədiyim üçün aləmdəki iyləri duya bilmirəm, gözəlim, duya
bilmirəm.Saçlarına oxşayıb, qulağının məməciyini öpüb ovşundurmağı, bir də
yaşıya biləcəyimi də sanmıram. Fəqət həsrət odunda alışmaqdan savayı əlimdən nə gəlir
ki, gözəlim? Məndən son istəyimi soruşdular. Son istəyim isə sənə məktub yazmaq
oldu: içimdəkiləri sənə boşaldıb, həyata sonra əlvida demək idi, mənim
istəyim. Yadındamı Mirovun döşü? Mən, qazel 53-lə heyvanları daşıyardım, atanın
qoyunlarını deyirəm. Sən isə yolun kənarında həmin an lalələri toplayırdın, züm –zümə edə-edə, nazlanıb başını sağa-sola əyə-əyə. Atan
səni görüb, mənə dayanmağı əmr etdi. Gözüm
sənə tərəf döndü. Sən o zaman mənə, qadınlıq bağçasında yenicə açılmış qönçəni xatırlatdın. Fəqət hələ
də uşaqlıq aləmindən xilas olmamışdın. Bəlkə də səni bal edən bu amil idi. Atan
səni səslədi. Və sən dil açıb:”hay!Gəlirəm indi, bir az gözlə” söylədin. Səsin, yaz
gəlişi ilə eyvanda yuva salan qaranquş səsinə oxşadı həmin an; tələsik şəkildə
şirin ləhcə ilə cavab verdin. Bu səni gördüyüm ilk gün idi. Yadındamı? Quzuları
otarmağa görə atana israr etdin. Həmin günün əsr vaxtı, quzunun birin
itirdin. Məni görüb, qəmgin halda sənə kömək etməyimi xahiş etdin, dəhşət
qorxmuşdun. Biz quzunu axtardıq. Nəhayət onu, dəvə çuxurunda ölmüş halda
tapdıq. Sən demə, quzuları yaylaqdan gətirdiyin zaman, quzu qayadan aşmış və sən
bunu hiss etməmişdin. Quzunun ölümünə görə özünü günahkar bildin. Mən isə sənə
təsəlli verdim. Qərara gəldik ki, bu hadisəni heç kəsə deməyək; sabah bel gətirib
quzunu basdıraq. Sən təklif etdin. Bu isə
yenidən səninlə tək qalmaq üçün
mənə, intizarlı fürsət idi, tərəddüd etmədən razlaşdım. Sabah beli götürüb həmin yerə gəldik. Quzu üçün
söylədiyin təsirli nitq,məni gülməyə sövq etdi.M əsumluğundan tərənnüm edən
hərəkətinə gülmək, səni
utandırdı. Təbəssüm edə-edə: ”gülmə deyirdin” mənə. Yenə də özümü saxlaya bilməyib
gülürdüm. Sən isə özündən çıxırdın. Sonra biz, əlimizə salavat çəkmək üçün çayın
qaşına gəldik. Mən özümdən aslı olmadan, sənin çöhrəndən öpdüm. Sən üzün
pörtdü, qıpqırmızı qızardın. Bir az üzümə təəccüblə baxıb, başını aşağı dikdin. Bir
neçə saniyədən sonra oğrun-oğrun təbəssüm etdin. İşıldayan gözlərini mənə
zilləyib, sivri saqqalımda əllərini gəzdirdin. Sonra isə durub qaçdın. Həmin
gündən ora, sevgi məkanımız oldu. Biz tez-tez görüşməyə başladıq. Eşq bağçasında
güllərimiz açdı. Çiyələk tamı verən dodağını öpəndə, müntəzir olub, cahil öpüşə
qərq etdin məni. Çox həyəcanlanmışdın; ürəyinin döyüntüsün, qabarmış köksündə
əlimi sıxanda hiss etdim. Mənsiz həyatını təsəvvür etmək istəmirdin. Bu səni çox
qorxudurdu. Yadındamı? Hələ bir dəfə demişdin ki:”sən birinci ölməyəcəksən, elə
bir şey olsa, səndən qabaq özümü öldürərəm” . Həqiqətən bunu yazmaq mənə ağır və
utancvericidir. Mən sonra yanan eşq ocağımıza su səpib , səni tərk etdim
ki, yalançı bir insanla həyatını çürütməyəsən. Mən sənə yalan demişəm. Mənim nə
ailəm var idi nədəki qohumum-əqrabam. Mən bir əyyaş idim. Fahişələrə, içkiyə, qumara
qazandığını xərçləyən əyyaş. Qazel 53 dostum vermişdi ki, pul qazanım, yarsı da
ona çatırdı pulun. Atan səninlə bizim aramızda olanları biləndə, ümidlərim
söndü. Sənə yalan deyəndə, fikirləşirdim ki, həyatımı gözəlləşdirdikdən sonra həqiqəti deyəcəm; məni tərk etməyini
istəmirdim. Atan məni qovdu. Sənə də əyyaş olacağımı deməklə hədələdi. Bilirdim
ki, yalana görə məni bağışlamayacaqsan. Bir şeyi də bil ki, səndən sonra mən
bunları tərk etmişdim. Keçmişim idi ki, qara bulud olub məni izləyirdi. Sonra sənə
əttikdə işləyən Kamilin oğlu elçi düşdü. Bilirəm, mənə görə razı olmadın. Amma mən
istəyirdim ki, sən ona ərə gedərsən. Bilmirəm, bunu söylədiyimə görə məni bağışlayacaqsan ya
yox, əslində mən sənin qaçırtmağını, oğlana təklif etdim. Bilirdim ki, həmişəki
kimi görüş məskənimiz olan dəvə çuxuruna gəlib, bir də ora nə vaxt qayıdacağımı
intizarla gözləyirsən. Səni tutub cığırda dayanan Oğaza tərəf aparanda, mən o
zaman qayanın arxasında seyr edirdim. Sən məni səsləyəndə, hönkür –hönkür ağlayıb, talehimdən
şikayət edirdim Tanrıya. Saçlarını yolub fəryad edəndə, üzümə-gözümə vurub, özümü
danlayırdım. Bir neçə dəfə onların əlindən qaçdığını da gördüm, sıldırma tərəf
qaçıb özünü atmaq istəyirdin. Mən həmin an ayağa qalxıb səni səsləmək istədim,
çatmasaydılar təbbi. Bakirə ruhun təcavüzə uğrayanda, bilirdim ki, artıq
gecdi, barışacaqsan həyatınla. Fəqət mən barışa bilmədim. Səndən uzaqlaşıb, hər
şeyi unutmaq qərarın verdim. Hər an sən :üzünü səmaya dikib, qəhqəhə ilə etdiyin
gülüşlər, inciyərkən körpə mısmırıqlarını sallamağın, məni qucaqlıyıb mənə
məxsus olduğunu söyləməyin, sevişərkən gözlərini yumub nə edəcəyini bilməyib
məni yamsılmağın yadıma düşdükcə, tənhalıq otağıma çəkilib içki ilə hüznumu qeyd
edirdim. Yeknəsaq külək, köksümdə əsirdi elə bil. Boşluğa qərq olmuşdum. Həmin
boşluğu da necə dolduracağımı bilmirdim, əslində bilirdim , amma gec idi. Mən sənə
demişdim ki:”sənsiz yaşıya bilmərəm”. Doğrudan da yaşıya bilmədim. Həyatımı sənə
sərf etməklə boşluğumu doldurmaq istədim; sənə tərəf üzən hər bir çətinliyə bənd
salmaqla. Mən beş ildən sonra
qayıtdım, lakin intim şəkildə; məni tanıyanlardan gizləndim.S ənin o zaman üç
yaşında oğlun var idi. Birgə yaşadığın kişi, Məşəd ziyarətinə getmişdi həmin
vaxt. Sənin baqqala girdiyini gördüm. Tükanın girəcəyində durub, söhbətinizə qulaq
asırdım. Sən deyirdin ki:”kişi məşəd ziyarətindən qayıdan kimi hamsın ödəyəcəm. Uşaq
üçün bir az süd ver heç olmasa”. Baqqal razılaşmadı. Kor-peşiman və nə edəcəyini
bilmədiyin halda tərk etdin tükanı. Mən baqqala gəlib, nisiyə dəfdərindən bütün
borclarını sildirdim. Bir neçə zənbil ərzaq da aldım. Qonşuda olan balaca uşağa
verib, sənə gətirməsin xahiş etdim. Gizlin bir yer tapıb müşahidə də elədim. Uşaqdan
nəsə soruşub sonra ayna-bayna baxmağını da gördüm. Bəlkə də mən olduğumu hiss
etmişdin. Kamilin oğlu Tərlan-sənin həyat yoldaşın Məşəd ziyarətindən
qayıdıb, Məşədi titulu ilə ad-san qazandı. Kənddə seçilməyə başladı, həmin
siğəbaz. Bir neçə müddət sonra, çayxana da
onun nə ilə məşqul olduğunu eşitdim. Sən demə, qonşu kənddə bir qadınla siğə
edib, yaşayırmış. Dözə bilmədim. Həmin gecə çox düşündüm. Sən kimi bir qadına necə
qıydı axı, xəyanəti?! Mən etdiyim səhvi düzəltmək qərarına gəldim. Məşədinin
həmin qadınla qaldığı evi tapdım; onu izləməklə. O, evə girdikdən sonra, bir az gözlədim. Səndə
bilirsən, mən hər zaman poladdan olan xəncəri üstümdə gəzdirirdim. Həmin anda da
üstümdə idi. Qapını döydüm. Məşədi qapını açdı. Bir az üzümə heyrətlə baxdı. Mən
isə onun sinəsindən vurub, içəri itələdim. Qadının divandan hürkmüş halda
qalxdığını gördüm. Körpə uşağı əmizdirirdi həmin an. Gözlərimin içi ağappaq
ağarmışdı. Alnımı qırışdırıb, burnumu büzüşdürərək necə qəzəbə malik olduğumu
nümayiş etdirirdim. Evin içindəkilər asi olmuşdu; ibadətimdən
zövq aldığım ilahəmə. İlahıma mürtəd olanın bir cəzası vardı; yalnız ölüm. Məşədi
də qadın da və hətta uşaqda günahkar idi. Xəncəri Məşədinin boğazına sancdım. Qan
üstümə fışqırdı. Qadın qışqırıb, qaçmaq istədi. Arxadan yaxalayıb boğazının dərisin
üzdüm. Sürüyərək Məşədinin yanına gətirdim. İkisi də can verirdi. Məşədinin
şalvarını soyundurub cinsiyyət orqanını kəsdim.X alçanın üstü qana
boyanmışdı. Ayaqqabımın altından qan gölməçəsi axdığı üçün bir neçə dəfə
sürüşdüm. Etdiyim hər bir hərəkət ani anda
baş verdi, nə etdiyimi özüm də bilmirdim. Məşədinin cinsiyyətin qadının ağzına
qoydum.Sonra çığıran uşağa tərəf gəldim. O, Məşədinin günah toxumundan əkilmişdi. Lakin
xəncəri qaldırıb ona sancmağı bacarmadım. Xəncəri tullayıb qəzəbimdən xilas olmaq üçün oranı tərk
etdim. Məni qınadın: ”səfeh , əski qədər dəyəri olmayan qısqanclığından uşaqlarımı
yetim qoymaq üçünmü qayıtdın?” söylədin. Hardan biləydin ki, sənin qaçırılmağını
mən təşkil etmişdim, sənə asi olanların və etdiyim səhvi düzəltmək üçün bu
cinayəti , həmçinin, törətdim. Heç kimin səni aldatıb, xəyanət etməyə haqqı
yoxdur.O, mən idim ki, tövbə edib sənə itaət edərək, günahımı sənə xəyanət
edənlərə hədd uyğulamaqla yumağa çalışdım. Bilirəm, Məşədi olduğuna görə günahını
ört –basdır etdilər: guya dul qadına sədəqə verərək, kömək əli uzadırmış. Mən də
ondan əvvəlki ədavətin qisasın almağa
görə izləyib, öldürməyi düşünmüşəm; Axı necə söyləyəcəydim ki, sevdiyimi
mən özüm ona təslim etdim? Sənin şahidliyinlə təsdiqini tapdı. Mənim üçün sən
vacib idin. Sən isə məni günahkar bildin. Sabah məni ağır cinayət törətdiyimə
görə sibirdə: baxçar rayonunda yerləşən həbsxanada edam edəcəklər. Tanrı məni
bağışlamasa da sən bağışla. Bu mənim üçün kifayət edər. Səni sevirəm. Günahkar
Qulun tərəfindən yazıldı, göz yaşlarının damcılarına qərq olan bu məktub.”
Mən məktubu oxuyub qutardıqdan sonra, düşünməyə başladım. Əvvəllər babamın
qatilinə lənət oxuyurdum ki, indi babam sağ olsaydı məni əzizləyərdi;o isə
bundan məni mərhum etdi. Ona qarşı olan kinim yox oldu. Amma iş bununla da
bitmir: Nənəm oxuyub-yazmağı bilmirdi. Bu məktubu da heç kəsə göstərməmişdi: bibim
nənəmin cansız vücudun yuyanda demişdir ki,: ”həmişə sinəsində bir bağlama
hərliyərdi, heç kəs cürət edib,ona toxuna bilməzdi. İndi isə yoxdu”. Həmçinin
məktubun qutusu, bərk –bərk yapışdığından bilinirdi ki, ağzı bir dəfə də olsun
açılmamışdı, amma nənəm onu özü ilə gəzdirib, talisman etmişdi.Bəlkə də, bunu
müqəddəsləşdirib. Məktubun içindən xəbəri olmadığı halda niyə babama:”cinsiyyəti
kəsilmiş zinakar”deyirdi, bəs?.Aha, bəlkə kiçik əmim Taleh, nənəmə məktub yazan
şəxsin, öldürmədiyi uşaq idi? İstəlinən halda nənəm üçün bu məktub müqəddəsdi. Adətən, insanlar
müqəddəs hesab etdiklərinin axirətdə şəfaətçi olduğuna inanar, onlar ilə birgə
olmağını fikirləşirlər. Deməli,bu məktubu nənəmin qəbrində basdırmalıydım. Şər
qarışanda, müqəddəs işi görmək qərarını verdim.Ətrafda heç kəs yox idi.Çox
qorxurdum.Titrəyirdim.Nival havası məni bürümüşdü.Şaqqıltıları eşitdikcə
,qəbristanlıqda olan şəkilləri gördükcə gözümü yumub fikir vermirdim. Müqəddəs
misiyanı yerinə yetirmək, təsəllim idi, güc tapırdım. Nənəmin hələ baş daşı
qoyulmayan, üstü çəhrayı parça ilə örtülən qəbrinə yaxınlaşdım. Özümlə gətirdiyim
balaca bellə qəbrin bir yerindən torpağını təmizlədim. Kəfənə az qalmış məktubu
qəbrə qoyaraq üstün basdırdım. Dərindən köks ötürüb, evə tərəf addım atdım. Kənddə
qəbirstanlıqlar, adətən, sahə-tarla tərəfdə olur. Yolla gələndə ay yoluma nur
saçırdı. Qəbirstanlıqdan çıxdığım an kölgədən, kiminsə mənə arxa tərəfdən boylandığını
gördüm. Qorxumdan qəflətən arxaya çevrilib, gözümü yumub boynunun kökündən
lapatkanın sivri yerin vuraraq, başını üzdüm. Lapatkanı tullayıb, evə sarı
götürüldüm. Çox qorxmuşdum, güclə nəfəs alırdım. Evdəkilərə adam öldürdüyümü
demədim. Sabahısı gün hadisə yerinə yaxınlaşanda, günəbaxan bitkisisinin
papağının qopub lapatkadan bir az aralıda düşdüyünü gördüm.