Seymur Su - Dönmədən
Poeziya
- 13.04.2015
- 0 Şərh
- 1398 Baxış
Diqqətlə bax ürəyimə.
orda qara nöqtələr var, cərrah bəy.
bıçağı sal, oy onları,
sonra
bir qulağıkəsik itin
qarşısına qoy onları.
dərhal ölər gözü açıq halda.
bıçağı sal, oy onları
məni udan "Böyük Qara Dəliy"ə dönmədən
Diqqətlə dinlə gözlərimi, cərrah bəy.
cız əlimin içini,
tale xətlərimi parçala,
yaşadıqlarım sonradan
yüz vərəqli dəftərlərdə
gündəliyə dönmədən.
onunla
bağlı nağıl danış
morfinə gərəkmi var..
onsuz da
susdurur, torlaşdırır düşüncələrimi,
sustaldır əllərimi
üstümə gələn divarlar..
kəs ağciyərlərimi, cərrah bəy.
onsuz qalan nəfəslərim
sağalmaz xəstəliyə dönmədən.
Seymur Su