Seymur Su - Ölmək asandırsa, xırıldamaq nə?
Poeziya
- 11.04.2015
- 0 Şərh
- 1287 Baxış
İnsanın qiyməti ədəbindədi,
Hərə öz tərbiyə qəlibindədi,
Qızılın dəyəri tərkibindədi,
Ey dəmir, qızıltək parıldamaq nə?
Bir
tikə çörəkçün hey çalış-vuruş,
Uğurçün qalxırıq bir neçə yoxuş,
Yaşamaq çətindi deyənə soruş:
- Ölmək asandısa, xırıldamaq nə?
Adəmin övladı olmaz xətasız,
Bir günü qazanır, min gün qidasız,
Ağlayan ağlayar səssiz-sədasız.
Yalandan, qışqırıb-zırıldamaq nə?
Dinməyin, yorulduq kütlüyünüzdən,
Mülayim üzlərə tündlüyünüzdən,
Camaat ayıldı səs-küyünüzdən
Yatırsan yat görək, xoruldamaq nə?
Seymur Su