Sumqayıtda rok festivalı keçirildi - FOTOLAR

Sumqayıtda rok festivalı keçirildi - FOTOLAR

Sumqayıt Dövlət Musiqili Dram Teatrında rok festivalı keçirilib. APA-nın verdiyi məlumata görə, Prezident yanında Gənclər Fondunun maliyyə dəstəyi ilə baş tutan festivalda Sumqayıt və Bakının gənclərdən ibarət rok qrupları iştirak ediblər.


Layihənin icraçısı Eyvaz Qocayev gənc rokçulara uğurlar arzulayıb. O deyib ki, festival gənclərə istedadlarını nümayiş etdirməyə imkan yaradacaq: "Gənc rokçuların uğurlu performans nümayiş etdirəcəklərinə inanıram. Belə tədbirlər həm də gənclərdə roka olan diqqət və marağın artması üçün əhəmiyyətlidir”.

Daha sonra rok qrupları öz ifalarını nümayiş etdiriblər.