Qeyd edək ki, romandakı hadisələr 1930-cu illərdə cərəyan edir. Uzaq tatar kəndlərindən birində yaşayan Züleyxanın ərini öldürürlər, özünü isə yüzlərlə kəndli ilə birlikdə Sibirə sürgünə göndərirlər…

Artıq iyirmidən çox dilə tərcümə edilən roman, çap olunduğu il müəllifə İlin kitabı, Yasnaya polyana, Bolşaya kniqa kimi nüfuzlu mükafatlar qazandırıb.

"Züleyxa gözlərini açır” filminin çəkilişləri başlayandan üç həftə sonra, məşhur rejissor Aleksey Uçitel müəllifin ikinci əsərinin – "Mənim övladlarım” romanı əsasında film çəkəcəyini, artıq müəlliflik hüququnu aldığını xəbər vermişdi.