Kamran Süleyman - SƏTİRLƏRDƏKİ SÜRGÜN...
Poeziya
- 11.04.2015
- 0 Şərh
- 916 Baxış
Köhnə eynəyini silir tarix
qocalığın
pəncərəsindən baxır gözləri...
Neçə qurban,
neçə cəllad görür.
Ağac kötüyünə bənzər əllərində
qanlı insan izləri...
Sətirlərdəki sürgünlə
salam verir tarixə Cavid əfəndi...
Gəzdikcə addım-addım
silir çəkmələrini
qanlı taxıl zəmisi...
Gözlərində, əllərində
ürəyində repsessiya.
Nəfəsində, çörəyində
sürgünündə repressiya...
Yollar uzun
özün yorğun...
Keçmişdə bir şair ömrü
gələcəkdə məhkumluğun...
Ölümünə söykənib yazdığın
hər bir sətir
indi iblisin əliylə ''peyğəmbər''
güllələyir...
Cavid əfəndi...
Əsasına söykənmişdi...
Yüz yaşında Vətəninə gəlirdi..
Kamran Süleyman
Kamran Süleyman
