mən sənə qovuşmaq istəyirəm
özümü tilova bağlayacam
ən böyük balıqlar cumsun üstümə, hazıram.
mən bəlkə də sənə
səssizliyinin
bir balıq mədəsində
həzm olmaqdan da
yaşanmaz olmasını yazıram.

nədən məni səhər-axşam
sübh azanından gecə nəğmələrinədək
düşündürürsən, ey saçı dalğalım?
dediyinə görə, mən yalançı bahar küləyiyəm
xırda akasiya yarpaqlarına.
payıza sağ çıxmaz sərin sığalım.