Elşən Böyükvənd. Yeni şeirlər
Poeziya
- 27.04.2020
- 0 Şərh
- 5418 Baxış
Əsrük dayanınca
Yol ayrıcında önüm arxama dayanmışdım
Külək bir öpücük buraxdı yanağıma
Bulaqda səyriyən alatoran
Əyilib tökülürdü saxsı qan çanağına
Yol ayrıcında dikey yataya dayanmışdım
Əsrük gözlərinin ayağına sürüldüyümdə
Burax səsimi qoy qonsun çiçəklərinə
Qaya başında göyqurşağını çalır
Barmaqları kəsilmiş Ozan
Qan soylayır
Ban suvarılır
Dan sovrulur
Gözüm qapaqlarına
Yol ayrıcında gözümü gözlüyümə taxmışdım
Korluğa qavuşmağa köhülünə tapınmışdım
Səsimin boş çuxurundan
İşıq qığılcımlarının sorağını almışdım
Üzümdə izinin çiçəyi dəriləsi deyil gülüm
Solmayası barmaqlarına
Aç qapını
Ölüngən qollarıma.
Bir söz qırpımında
Bir qovaq göyərçinidir gözlərin
Titrəşən qır ağacı budağının kipriklərində
Sığraq sürür günəş
Qaraşın kürələrinə
Bir söz qırpımıdır yaşam
Utanqac düşlərin qəbristanlığı dilində
Qıvraq çapır sağış
Gövdən düzənliyində
Qonmaq keçincə qonur baxışım
Ürkək boyalı saçın dənizinə
Hörülür, açılır dalğalanır baxışım
Daraqla saç sevişməsinə
Yuxuma qonaq gəlmiş yağışlı yuxun
Görüşümə göz yaşlarını gətirmiş
İslanır gözlərim
İslanır sözüm.
