Bir mahnının tarixçəsi: “Mart” - VİDEO
MUSİQİ
- 27.08.2013
- 0 Şərh
- 1758 Baxış
Müasir
təqvimdə mart üçüncü ayıdır. Qədim romalılar bu ayı müharibə allahı
Marsın şərəfinə adlandırıblar. Bir müddət sonra bu adı Roma ilə qonşu
regionlar da qəbul etdilər.
Əsrlər keçdi və əvvəllər bir çox xalqlar üçün ilin ilk ayı hesab olunan mart xristianlığın qəbul olunmasından sonra öz əhəmiyyətini itirdi. Yanvar ayının hökmranlığına qədər Mart yazın, baharın gəlişinin rəmzi idi. Təbiətin yenilənməsi mövsümü məhz yazdan, daha doğrusu, Mart ayından başlayır. Ümumiyyətlə, Mart digər aylardan öz enerjisi ilə önə çıxır. Bir çox digər xalqlar kimi, türklər də baharın gəlişini yüksək qiymətləndirir və xüsusi qeyd edirdilər. İnsanlar üçün bir çox doğma inanclar və bayramlar da bu ayın payına düşür…
Əsrlər keçdi və əvvəllər bir çox xalqlar üçün ilin ilk ayı hesab olunan mart xristianlığın qəbul olunmasından sonra öz əhəmiyyətini itirdi. Yanvar ayının hökmranlığına qədər Mart yazın, baharın gəlişinin rəmzi idi. Təbiətin yenilənməsi mövsümü məhz yazdan, daha doğrusu, Mart ayından başlayır. Ümumiyyətlə, Mart digər aylardan öz enerjisi ilə önə çıxır. Bir çox digər xalqlar kimi, türklər də baharın gəlişini yüksək qiymətləndirir və xüsusi qeyd edirdilər. İnsanlar üçün bir çox doğma inanclar və bayramlar da bu ayın payına düşür…
1956-cı il. İçərişəhərin dar küçələrində gənc bir oğlan harasa
tələsir. Qaçaraq üçüncü mərtəbədəki mənzilinə qalxır, radioya tərəf
cumur. "Amerikanın səsi" radiosunda çox qəribə bir musiqi yayamlanır,
oğlan səslənən melodiyanın hər notunu böyük vurğunluqla dinləyir. Sonra
fortepianonun arxasına əyləşir, eşitdiyi musiqini improvizə edərək
orijinal musiqidəki bəzi məqamları dəyişir. Bu musiqi həmin illərdə
SSRİ-də qadağan olunmuş Amerika cazı, 9-cu sinif şagirdi olan oğlan isə
gələcəyin böyük cazmeni olacaq Vaqif Mustafazadə idi.
39 illik həyatında Vaqif Mustafazadə onlarla musiqi əsəri yaratdı.
Yəqin ki, bu cür musiqi irsini miras qoymaq üçün bütün bir həyat kifayət
etməzdi. Təsəvvür etsək ki, belə bir böyük insan 70-80 illik bir həyat
yaşasaydı, daha nə qədər gözəl musiqilər ortaya çıxa bilərdi. Onun
əsərləri təkcə adi dinləyicilərin deyil, həm də ən zövqlü musiqi
bilicilərini də həyəcanlandırır. Bu kompozisiyalar o qədər gözəl və
mükəmməldirlər ki, onlardan yalnız birini seçmək mükün deyil. Amma biz
bu əsərlər arasından birini seçməyə məcburuq və həcmcə iri olmayan, amma
dərin mənalı "Mart" kompozisiyasının üzərində dayanırıq.
Təəssüf ki, bu kompozisiyanın dəqiq yaranma tarixçəsini bizə açıqlayacaq hər hansı dəlil-sübut, yaxud bir parça əlyazma qalmayıb. Amma dolayı mənbələrdən əsərin təxminən 1972-ci ilə aid olduğu güman edilir. Amma bir şeyi dəqiq demək mümkündür: bu, avtobioqrafik əsərdir, orada musiqiçi həyat və yaradıcılığından danışır.
Vaqif Mustafazadənin istedadı çox erkən yaşda özünü göstərib. Uşaq
vaxtı o, kiçik barmaqlarıyla nə zamansa anasından eşitdiyi mahnı
fraqmentlərini təkrarlayırmış. Musiqi məktəbində bu balaca oğlan öz
duyumu ilə bütün yaşıdlarından fərqlənib. Müxtəlif müsabiqələrdə ən çox
qələbə qazanan Vaqif olub.
Musiqi sevgisi onu əvvəlcə Asəf Zeynallı adına musiqi məktəbinə,
sonra da konservatoriyaya gətirib. Bir il sonra isə o, Bakını tərk edib
Tiflisə getmək məcburiyyətində qalıb. Yalnız 1968-ci ildə o, bəstəkar
Rauf Hacıyevin dəvəti ilə Bakıya dönüb. Amma təəssüf ki, paxıl və
bədxah həmkarlarıyla əhatə olunan böyük istedad imkanlarının çox kiçik
bir hissəsini nümayiş etdirə bilib. "Leyli", "Sevil" və ömrünün son
illərində rəhbərlik etdiyi ansambl Vaqif Mustafazadənin imkanlarının
yalnız kiçicik bir hissəsi idi. Musiqiçi kimi fəaliyyətinin bu
istiqaməti onun istedadının mahiyyətini əks etdirən digər bütün musiqi
əsərlərini kölgədə saxlayırdı.
Ölümündən bir neçə ay əvvəl Vaqif Mustafazadə münsiflər heyətinin yekdil qərarı ilə Monakoda keçirilən caz festivalının qalibi elan edilmişdi. Bu, bütün postsovet məkanı üçün böyük nailiyyət idi. Sağlığında o, birinci növ muqisiçi, caz və muğamı sintez edərək inqilab yaradan, Şərq və Qərbi birləşdirən insan kimi qəbul etdilər. Amma Vaqif Mustafazadə fenomeni yalnız onun ölümündən sonra qəbul edildi. Təəssüf ki...
Ölümündən bir neçə ay əvvəl Vaqif Mustafazadə münsiflər heyətinin yekdil qərarı ilə Monakoda keçirilən caz festivalının qalibi elan edilmişdi. Bu, bütün postsovet məkanı üçün böyük nailiyyət idi. Sağlığında o, birinci növ muqisiçi, caz və muğamı sintez edərək inqilab yaradan, Şərq və Qərbi birləşdirən insan kimi qəbul etdilər. Amma Vaqif Mustafazadə fenomeni yalnız onun ölümündən sonra qəbul edildi. Təəssüf ki...
İlk dəfə "Mart" kompozisiyasını Vaqif Mustafazadə özü ifa edib.
1976-cı ildə qrammafon valları studiyasının yardımı ilə onun əsəri adi
dinləyicilərə də yol tapdı. "Mart" əsərində maraqlı bir qanunauyğunluq
var: sanki bəstəkar dinləyicini bir neçə dəqiqəliyinə öz həyatına
"ekskursiya”ya dəvət etmək istəyir. Onun sol əli ilə ifa etdiyi
sekvensiyalar bütün mahnı ərzində sabit qalır. Sanki bu yolla o, ömrünün
sonuna qədər caz və muğama sadiq qalacağı mənzərəsini yaradır. Sağ əllə
ifa etdiyi partiya isə inkişafdadır, daim "böyüyür”. Mahnının sonu bizi
əvvələ qaytarır – bu, bütün ruhi stereotiplərin dağıdılması və zaman
üzərində qələbənin rəmzidir.
1983-cü ildə Bakıda o zamankı Lenin adına Respublika Sarayında
Vaqif Mustafazadənin xatirəsinə həsr olunmuş caz festivalı keçirildi. Ən
qəribəsi bu idi ki, tədbirdə musiqiçininn bir əsəri belə ifa olunmadı.
Təkcə Rusiyadan dəvət olunan "Quadro" pop qrupunun ifasından başqa.
Qrup "Mart" kompozisiyasını ifa edəndə az qala zal alqışlardan
dağılacaqdı. İlk versiyadan fərqli olaraq, bu dəfə "Mart"da gitara
partiyası da səslənirdi və bu, həmin axşamın ən parlaq hadisəsi olmuşdu.
Vaqifin "Caz şahzadəsi” kimi tanınan qızı Əzizə Mustafazadənin bu
məşhur parçanı öz repertuarına daxil etməsində təəccüblü heç nə yoxdur.
Qeyd etmək lazımdır ki, ilk dəfə "Mart"ı o, 1986-cı ildə Bakıda lentə
aldırıb. Sonradan onu 2000-ci ildə buraxdığı "Inspirations, rəng və
Reflections" albomuna da daxil edib. Peşəkarların fikrincə, bu
interpretasiyada Əzizə sanki dinləyicini aldadır, eynən atasını təkrar
edir, amma sonra öz əsərinin fərdi təfsiri gəlir.
"Mart" əsərinin çox ifaçısı olub, onlardan hər biri əsərin
müəllifinə hörmətlə yanaşıb və hər ifaçı bu əsərə nəsə əlavə edib. Amma
bütün ifaçılar və musiqi tənqidçiləri bir fikirdədirlər: heç kəs bu
əsəri dünyaca məşhur olan, Azərbaycan cazını dünyada tanıtdıran ölməz
bəstəkarın özü kimi ifa edə bilməyib.
Hazırladı: Aliyə Haqverdi
(Azərbaycan İctimai Televiziyasının məlumatları əsasında)
ANN.Az