Yarpaq.Az-ın verdiyi məlumata görə, yeni araşdırma göstərir ki, bu sənətkarların təsvir etdiyi ağac budaqları, təbiətdə rast gəlinən fraktal riyaziyyat modellərini izləyir.

"PNAS Nexus" elmi jurnalında dərc olunan tədqiqatda, rəssamların çəkdiyi ağac təsvirləri incələnib və budaqların qalınlığının müəyyən riyazi nisbətlərə uyğun olduğu müəyyən edilib. 

Mütəxəssislər hesab edirlər ki, bu sayədə hətta abstrakt rəsmlər belə fərq edilmədən real təbiət formalarını təqlid edə bilər.

Leonardo da Vinçi XVI əsrdə apardığı müşahidələrdə budaqların diametrləri arasındakı əlaqənin müəyyən riyazi qanunlara əsaslandığını irəli sürmüşdü. Da Vinçinin istifadə etdiyi "α" parametri, alimlərin araşdırdığı sənət əsərlərində də 1,5 ilə 2,8 arasında dəyişən nisbətlərlə təsdiqlənib.

Tədqiqat qrupu, XX əsr rəssamı Piet Mondrianın 1912-ci ildə çəkdiyi kubist üslubda olan "Boz ağac" əsərində də oxşar riyazi nisbətlərin mövcud olduğunu aşkar edib. Araşdırma göstərir ki, müəyyən riyazi dəyərlərin qorunması, abstrakt incəsənətin belə, insanın şüuraltında təbii formaları xatırlatmasına şərait yaradır.

Fərqli dövrlərdən və mədəniyyətlərdən olan sənət əsərləri üzərində aparılan analizlər göstərir ki, ağac təsvirlərindəki riyaziyyat, zaman və məkandan asılı olmayaraq estetik element kimi mövcuddur. Alimlər bildirirlər ki, bu araşdırma, sənətin təbiətin gözəlliyini anlama və yenidən yaratma üsulu olduğunu nümayiş etdirir və incəsənətin elm ilə necə iç-içə olduğunu vurğulayır.