Azərbaycanlı aktyorun oynadığı film Kann festivalında
KİNO
- 08.05.2014
- 0 Şərh
- 1674 Baxış
Azərbaycan Dövlət Gənc Tamaşaçılar Teatrının aktyoru Rasim Cəfərovun rol aldığı "Torn” qısametrajlı filmi Kann Kino Festivalının müsabiqədənkənar proqramında nümayiş olunacaq.
Teatrın mətbuat xidmətindən APA-ya verilən məlumata görə, festivalın "Rejissor həftəliyi” proqramına daxil edilmiş filmin rejissorları Elmar İmanov və Engin Kundağdır.
İki dünya haqqında qısametrajlı filmdə bugünkü Bakının fonunda iki insanın - ata və oğulun həyatından bir epizod təqdim olunur.
Film Azərbaycanın "Fil Production” və Almaniyanın "Color of May” şirkətlərinin birgə əməkdaşlığı ilə ərsəyə gəlib.
Teatrdan bildiriblər ki, mayın 14-dən 25-dək davam edəcək festivalda iştirak etmək üçün teatrın aktyoru R.Cəfərov Fransaya səfər edəcək.
Qeyd edək ki, "Rejissor həftəliyi” Kann festivalının xüsusi paralel proqramıdır.